“Medical & Laboratory Services” që është në pronësi të vajzës së Blerim Devollit, Vlerës, deri më tani ka bërë vetëm katër teste 200 euroshe.

Këtë e ka bërë të ditur, Valon Prestreshi, nga Autoriteti i Konkurrencës dhe bënë të ditur se nuk kanë gjetur arsye për t’i shqiptuar gjobë.

“Autoriteti i Konkurrencës ka vlerësu se nuk e ka çrregulluar tregun dhe nuk ka hapësirë për t’i vënë gjobë këtij laboratori”, deklaroi Prestreshi.

Laboratori i Devollëve ka filluar testimin PCR për COVID-19 që nga 10 gushti, e për më shumë se një muaj ishte laboratori i vetëm që bënte këtë lloj testi .

Kështu duke pasur monopolin një test PCR në këtë laborator kushtonte deri në 200 euro.

“Vetëm katër teste janë bërë 200 euro. Por, laboratori përkatës 99.7% ka bërë teste që kushtojnë 65 euro. Ky institucion më nuk e aplikon më këtë çmim”, shprehet Prestreshi.

Testi serologjik aktualisht po bëhet edhe nëpër QKMF-të, dhe sipas AKK është një treg tejet i liberalizuar, i monitoruar mirë nga Autoriteti i Konkurrencës dhe institucionet tjera./arbresh.info/